AKU-AKU ANGGA ...
nyeri haté mah geus puguh uyuh kudua mulang tarima
ieu mah ngadon bapa héman taya panarima taya pamales budi ka nu geus nyieun kahadéan
moal aya haseup mun euweuh seuneu
sagala rupa béja tangtu aya benerna
sanajan sok loba tambahna nu meunang ngaréka
sim kuring moal aku-aku angga
ngaku barang batur
kalawan ngandung maksud hayang mibanda
ari keur kuring mah taya halanganana
insya Allah sabar, enya gé sabar teh lain di tampiling cicing
ditajong morongkol digebug murungkut
tetep pasti ngahampura
sabab banda sasampiran umur gagaduhan
da hirup di dunya ngan saukur ngumbara
éstu banda tatalang raga
leuwih hadé ngorbankeun banda ti batan cilaka
hirup eukeur paéh bakal yakin kana takdir ti Pangeran
moal hariwang teu dimilikan
da jangjina Pangéranmah yakin moal sulaya
béda jeung jangjina manusa
titi mangsa tina rumasa kedal haté pangjajap rasa
kedal ati nyu'uh ka gusti sujud raga ka nu kawasa
dunya caang lir ibarat beurang rasa hariwang moal kasorang
hirup mah katungkul ku umur paéh teu nyaho dimangsa
waruga taya nu boga tulang iga taya pangawasa
iwal ti gusti nu maha suci simkuring seja sumerah diri
sanés sim kuring nu mutuskeun
sabab sahérang hérangna cibéas
moal hérang cara cisumur
---------------------------------
#cag
----------------------------------